RREGULLAT AKTUALE PËR UDHËTIM

Këtu, pasagjerët kanë mundësi të informohen me masat e ndërmarra lidhur me Corona, të cilat zbatohen në vende përkatëse. Këto informacione aktualizohen rregullisht. Në parim, është përgjegjësi e pasagjerëve që të informohen dhe t`i plotësojnë kushtet aktuale të hyrjes në vendet përkatëse.

Klikoni këtu për formularët e hyrjes:

• Formulari i hyrjes - Zvicër
• Formulari i hyrjes - Gjermani

Kosova
Qeveria e Kosovës ka miratuar rregullore të reja për personat që hyjnë në Kosovë:

• Personat që hyjnë nga vendet si Gjermania, që janë klasifikuar nga Qendra Evropiane për Parandalimin dhe Kontrollin e Sëmundjeve (ECDC) si një "Vend me Rrezik të Lartë (zonë e rrezikut)" duhet të kenë një test aktual negativ PCR (i rezultuar maks. 72 orë para hyrjes). Udhëtarëve nga zonat e rrezikuara që hyjnë në vend pa dorëzuar një test negativ mund t'u refuzohet hyrja. Fëmijët nën moshën 7 vjeç janë të përjashtuar nga kjo kërkesë.
  Kjo nuk vlen për qytetarët kosovarë.
• Qytetarët e Kosovës që hyjnë në Kosovë pa paraqitur një test negativ, janë të detyruar që të vetëizolohen në shtëpi për një periudhë prej shtatë ditësh, menjëherë pas hyrjes në vend. Kjo nuk vlen për shtetasit kosovarë që hyjnë në Kosovë. Kjo nuk vlen për qytetarët kosovarë të cilët kanë udhëtuar jashtë Kosovës në 24 orët e fundit.
• Personat që hyjnë në Kosove, do të ekzaminohen nga ana mjekësore.

Zvicër

Zyra Federale e Shëndetit Publik në Zvicër ka miratuar rregullore të reja për personat që hyjnë në Zvicër, duke filluar nga 22 shkurt.

• Të gjithë personat që janë më të vjetër se 12 vjeç dhe që hyjnë në Zvicër duhet të paraqesin një test PCR me rezultat negativ me rastin e hyrjes në Zvicër. Rezultati i testit nuk duhet të jetë më i vjetër se 72 orë në kohën e nisjes dhe duhet të paraqitet para fluturimit. Gjithashtu, i pranuar për fluturimet për në Zvicër është një rezultat negativ i një testi të shpejtë COVID-19-AntiGen, i cili nuk duhet të jetë më i vjetër se 24 orë para nisjes. Autoritetet mund të kërkojnë një test shtesë AntiGen me rastin e hyrjes në Zvicër.
  Një përjashtim nga kërkesa e testimit mund të gjendet më poshtë.

• Ndër të tjera, rezultati i testit duhet të përmbajë informacionin vijues: Mbiemri, emri dhe data e lindjes së personit të testuar; data dhe koha e mbledhjes së mostrës; lloji i testimit (testi PCR ose testi i shpejtë e antigjenit) dhe vetë rezultati i testit.
  Për më tepër, është e detyrueshme që të gjithë hyrësit të plotësojnë një formular elektronik të hyrjes.

• Të gjithë personat që hyjnë në Zvicër duhet të plotësojnë formularin e hyrjes: Formulari.

• Personat që hyjnë në Zvicër nga një zonë rreziku duhet të vetëizolohen direkt për një periudhë 10 ditëshe, menjëherë pas hyrjes në vend. Sidoqoftë, vetëizolimi mund të ndërpritet nga dita e shtatë e tutje, nëse rezultati i një analize të shpejtë antigjeni ose testi PCR rezulton negativ. Informacione të hollësishme mbi rregulloret e vetëizolimit dhe listën aktuale të vendeve me rrezik (BAG) mund të gjenden këtu: Zonat e rrezikuara.

Personat e mëposhtëm janë të përjashtuar nga kërkesa e testimit:

• Personat me një çertifikatë mjekësore të cilët kanë pasur COVID-19 brenda tre muajve para hyrjes dhe konsiderohen të shëruar.
• Fëmijët nën 12 vjeç
• Pasagjerët tranzit të cilët nuk largohen nga aeroporti tranzit në Zvicër përpara se të vazhdojnë udhëtimin e tyre
• Personat me një çertifikatë mjekësore që thotë se një shtupë nazofaringeale nuk mund të merret për arsye mjekësore
• Personat që duhet të transportohen urgjentisht në Zvicër për arsye mjekësore dhe e posedojnë një çertifikatë mjekësore.
• Personat që kanë shtetësi zvicerane ose një leje qëndrim të lëshuar nga Zvicra dhe nuk kanë pasur mundësinë të testohen për Sars-CoV-2 brenda një kohe të arsyeshme ose me shpenzime të arsyeshme. Kjo mungesë e mundësisë duhet të konfirmohet me një vetëdeklarim: Formular Selbstdeklaration BAG

• Për më tepër, gjatë hyrjes dhe daljes nga vendet jo-anëtare të BE-së, duhet të paraqitet një vërtetim: Attestation de déplacement et de voyage për udhëtimitet nga apo në EuroAirport.

Gjermania

Për hyrje në Gjermani, në lidhje me koronavirusin SARS-CoV-2 dhe sëmundjen infektive Covid-19 zbatohen rregulloret e reja. Që nga 14 janari 2021, Instituti Robert Koch ndan zonat e rrezikut në tre nivele rreziku, për të cilat zbatohen detyrime të ndryshme:

• Niveli 1 - Zonë e rrezikut
• Niveli 2 - Zonë me rrezik të lartë
• Niveli 3 - Zonat e variantit të virusit

Kosova dhe Maqedonia Veriore aktualisht janë klasifikuar si zona me rrezik të lartë nga RKI.

• Të gjithë personat që hyjnë në Gjermani nga një zonë me rrezik të lartë (niveli 2) duhet të paraqesin një test negativ PCR të Corona-s gjatë nisjes. Testi negativ i Corona / Covid-19, nuk duhet të jetë më i vjetër se 48 orë në kohën e hyrjes. Fëmijët deri në moshën 7 vjeçare, janë të përjashtuar nga kërkesa për test, por jo edhe nga kërkesa e regjistrimit.

• Dëshmia e një rezultati negativ të testit ose një certifikatë mjekësore përkatëse duhet të sigurohet në letër ose në një dokument elektronik, në secilin rast në gjermanisht, anglisht ose frëngjisht.
  
  
• Udhëtarët që kanë qëndruar në një zonë rreziku, zonë me numër të madh të rasteve apo zonë me variante të virusit në 10 ditët e fundit duhet të regjistrohen në www.einreiseanmeldung.de para se të arrijnë në Gjermani dhe të mbajnë me vete dëshminë e regjistrimit gjatë hyrjes.
  
  
• Përveç kësaj, ekziston ende detyrimi për të hyrë në vetëizolim menjëherë pas hyrjes për një periudhë prej dhjetë ditësh.

• Vetëizolimi mund të shkurtohet me një rezultat të dytë negativ, jo më herët se dita e pestë pas hyrjes. 

Klasifikimi i rrezikut për të gjitha vendet i përcaktuar nga Instituti Robert Koch (RKI) mund të gjendet këtu: Risikogebiet

Maqedoni Veriore
Shtypni dhe plotësoni Formularin Shëndetësor për pasagjer para se të bëni Check-in, për të hyrë në Maqedoninë Veriore

Itali

Për të udhëtuar nga Italia, ju duhet të shtypni dhe plotësoni formularin SELF-DECLARATION COVID-19.

Për të hyrë në Itali, ju duhet të shtypni dhe plotësoni formularin SELF-DECLARATION ENTRY INTO ITALY.

Bagazhi i dorës me përmasa 55×40×20 cm nuk lehohet në board. Ju lutem te keni me vete vetëm një bagazh deri në 20 kg i cili dorëzohet në Check-in.
Italia ka listuar disa shtete evropiane në indeksin Corona, përfshirë Kosovën dhe Maqedoninë e Veriut. Kushdo që hyn në Itali nga një prej këtyre vendeve, duhet të futet në karantinë (vetizolim) për katërmbëdhjetë ditë. Linku

Siguria dhe shëndeti i pasagjerëve dhe ekuipazheve janë parësore.

Linjat ajrore zbatojnë plotësisht masat higjienike dhe konceptet e shërbimeve të Agjencisë së Bashkimit Evropian për Siguri të Aviacionit (EASA). Meqenëse distancat minimale në kabinë nuk mund të respektohen gjithmonë, të gjithë pasagjerët nga mosha gjashtë vjeç dhe të gjithë anëtarët e ekuipazhit janë të detyruar të mbajnë maskë mbrojtëse. Përveç kësaj, bashkëveprimi midis ekuipazhit dhe pasagjerëve gjatë fluturimit mbahet në minimum. Përveç kësaj, e gjithë flota është e pajisur me filtra të veçantë ajri "HEPA" si standard.

Qëndroni në shtëpi në rast sëmundjeje
Filloni udhëtimin tuaj vetëm nëse ndjeheni mirë me shëndet. Qëndroni në shtëpi nëse keni simptoma të tilla si: ethe, kollë, gulçim, humbje e shijes ose nuhatjes.

Maskën për mbrojtjen e gojës dhe hundës ta keni me vete
Sigurohuni që të keni maska mbrojtëse të mjaftueshme për udhëtimin tuaj. Mbulimi i gojës dhe hundës gjatë fluturimeve tona është i detyrueshëm për të gjithë pasagjerët e moshës 6 vjeç e lart.

Zbatoni rregullat e higjenës
Ndiqni rregullat e përgjithshme për higjienën dhe distancimin fizikë, siç janë larja e duarve, mbajtja e distancës kur pritni në radhë etj.

Planifikoni më shumë kohë
Duke pas parasyshë rrethanat aktuale, ju lutemi të jeni në aeroport së paku 3 orë para nisjes së fluturimit tuaj

Keni parasyshë kushtet për udhëtim
Informohuni në lidhje me kushtet për hyrje në destinacionin e dëshiruar. Nëse është e nevojshme, shtypni formularët përkatës dhe plotësoni ato përpara se të udhëtoni.

Shërbimi i reduktuar në bord
Shërbimi ynë në bord është i kufizuar. Deri në njoftimin e radhës, ju nuk mund të blini pije, snacks apo gjëra tjera Duty-Free në bord... Për secilin pasagjer ka një shishe uji (0.5l) në xhepin e ulëses.